Mobil versiya RU AZ
_




AZƏRBAYCAN » SİYASƏT

QMİ sədri: Bir əlində xaç, bir əlində avtomat işğalçı müharibə təbliğatı aparmaq din xadimlərinə yaraşmaz

19 Mart 2021, 14:55 (GMT +4)

Bakı, 19 mart, SalamNews. Qafqaz Müsəlmanları İdarəsinin (QMİ) sədri şeyxülislam Allahşükür Paşazadə Fransanın Azərbaycandakı səfiri Zakari Qrossu qəbul edib.

Bu barədə SalamNews-a QMİ-nin Mətbuat Xidmətindən məlumat verilib.

Səfiri səmimi salamlayan QMİ sədri A.Paşazadə Azərbaycanda müxtəlif din nümayəndələrinin dostluq, qardaşlıq, qarşılıqlı anlaşma mühitində yaşamalarını böyük nemət kimi dəyərləndirdiyini və ölkəmizin xristian dünyası ilə əlaqələrinin dərinləşməsini müsbət hal kimi qeyd edib.

A.Paşazadə Azərbaycanda dinlər və məzhəblər arasında mövcud yüksək səviyyəsinin təmini və davamlılığında dövlət siyasətinin, şəxsən ölkə rəhbərinin səy və fəaliyyətinin böyük rolu olduğunu fəxarətlə vurğulayıb. O, Azərbaycanın ərazi bütövlüyünün bərpası uğrunda 44 günlük Vətən müharibəsində qazanılmış Zəfərdən sonrakı müddətdə Azərbaycanla Fransa arasında münasibətlərdə müsbət meyllərdən məmnunluğunu bildirib: "Azərbaycanın beynəlxalq hüquq çərçivəsində öz torpaqlarını işğaldan azad etmək uğrunda ədalətli mübarizəsinin bəzi dairələr tərəfindən dünyaya qərəzli şəkildə xristianlarla qarşıdurma kimi təqdim edilməsi iftiradan başqa bir şey deyil".

QMİ sədri bu təbliğatın daha çox Erməni Apostol kilsəsi tərəfindən aparıldığına təəssüf etdiyini deyib: "Birmənalı şəkildə vurğulayıram ki, bir əlində xaç, bir əlində avtomat işğalçı müharibə təbliğatı aparmaq din xadimlərinə yaraşmaz. Digər tərəfdən, erməni dini liderləri ilə 1988-ci ildən başlayaraq dəfələrlə şəxsən görüşdüyünü, Ümumdünya Kilsələr Şurası, Rus Pravoslav Kilsəsi, Gürcü Pravoslav Kilsəsinin vasitəçiliyi ilə baş tutmuş görüşlərin nəticəsi olaraq imzaladıqları birgə bəyannamələrdə münaqişənin dini səciyyə daşımadığı təsbit olunub Bu baxımdan, erməni kilsəsinin bu gün ermənilərin xristian olduqlarına görə sıxışdırılmaları barədə yalanlar yayması, işğal etdikləri ərazidən çıxarılmalarını guya öz ərazilərindən qovulmaları kimi təbliğ etmələri saxtakarlıq və dünya ictimaiyyətini aldatmaqdır.

Beynəlxalq hüquqa zidd işğal və təcavüzlərini, törətdikləri terror və vandalizm hallarını ört-basdır etməyə çalışan erməni kilsəsi ümumxristian həmrəyliyinə nail olmaq, din qardaşlarının dəstək və yardımından sui-istifadə etmək niyyətilə Azərbaycanda guya xristian dini abidələrinə təhlükə mövcud olduğunu iddia edir. Əslində isə ermənilər Azərbaycanın işğal altında 30 ilə yaxın işğalda saxladığı ərazilərində minlərlə müsəlman məscid, ziyarətgah və qəbirstanlıqlarını, xristian, qədim alban, yəhudi məbədlərini dağıtmışlar".

QMİ sədri bölgədə sülh naminə erməni kilsəsinin qarşılıqlı anlaşma, dinc yanaşı yaşama prinsiplərini təbliğ etməli olduqlarını fransalı səfirin diqqətinə çatdırıb: "Xalqlar arasında davamlı sülh üçün erməni kilsəsi nifrət çağırışlarından birmənalı şəkildə imtina etməlidir. MDB Dinlərarası Şurasının həmsədri kimi Katolikos II Qaregini II Bakı Sammitində iştirak üçün Azərbaycana dəvət etmişdi və erməni dini lideri Bakıda şəhərin ən mərkəzi yerində bərpa olunaraq abad şəkildə qorunan erməni kilsəsini şəxsən ziyarət etmiş, burada ölkəmizdə yaşayan erməni əsilli vətəndaşlarımızla görüş keçirmiş, erməni dilində kitabların qorunub saxlanıldığı kitabxana ilə tanış olmuşdu. Buradakı təəssüratlarından heyranlığını gizlətməyən dini liderin indi azərbaycanlıları qeyri-tolerantlıqda qınamağı yersizdir. Monoetnik Ermənistandan fərqli olaraq multikultural Azərbaycanda müxtəlif millət və dinlərin nümayəndələri mehribanlıq, qarşılıqlı ehtiram və anlaşma şəraitində əsrlərlə dinc yanaşı yaşayırlar. Azərbaycanın dövlət rəhbərinin siyasi iradəsi bundan ibarətdir ki, erməni vətəndaşlarımız da bizimlə birlikdə əmin-amanlıqda yaşaya bilərlər".

Fransalı səfir QMİ sədri A. Paşazadəyə qəbula görə təşəkkürlərini bildirib, istər bölgədə, istərsə dünya miqyasında böyük nüfuz və ehtiram sahibi olan Şeyxülislamla görüşməkdən şərəf duyduğunu ifadə edib.

Səfir Azərbaycanda mövcud dinlərarası səmimi münasibətlərin, məzhəblərarası qarşılıqlı ehtiram mühitinin təkcə Qafqaz bölgəsi üçün deyil, Avropa məkanı, o cümlədən, Fransa üçün böyük maraq və əhəmiyyət kəsb etdiyini vurğulayıb. Azərbaycanın dinlərarası harmoniya modelinin Fransada təşviqi baxımından postpandemiya dövründə bu mövzuda tədbirlərin vacibliyinə diqqəti çəkən Z.Qross səfirlikləri tərəfindən bu işə hərtətəfli təşkilati dəstək verəcəklərini vurğulayıb.

A.Paşazadə rəhbərlik etdiyi QMİ nəzdində Bakı Beynəlxalq Dinlər və Sivilizasiyalararası Mərkəz xəttilə bugünədək həyata keçirdikləri təşəbbüs və tədbirlər barədə səfir Z. Qrossa ətraflı məlumat verdi və yaxın gələcəkdə Fransa ilə də dini-mənəvi əlaqələr müstəvisində münasibətlərin yüksək səviyyəsi üçün səy göstərəcəklərini, dinlərarası əməkdaşlıq yönündə əməli fəaliyyətdən məmnun olacaqlarını bildirib.





Ölkənin və dünyanın ən son xəbərləri bizim Facebook səhifəmizdə


Əlaqəli Xəbərlər

QMİ sədri Çeçenistanda səfərdədir

QMİ sədri Türkiyəyə başsağlığı məktubu göndərib

QMİ sədri Allahşükür Paşazadə Türkiyəyə başsağlığı verib

QMİ sədri: Bu il biz həm Qurban bayramını, həm də Qələbəmizi qeyd edirik

QMİ sədri və dini konfessiyaların rəhbərləri Polad Həşimov və İlqar Mirzəyevin məzarını ziyarət ediblər (FOTO)

QMİ sədri II Qareginin Xankəndiyə səfərini pisləyən bəyanat verib

QMİ sədri: Ermənistan soyqırım siyasətini ört-basdır etmək üçün Azərbaycana qarşı yalan ittihamlar irəli sürür

QMİ sədri Allahşükür Paşazadə və dini konfessiya rəhbərlərinin Bərdə və Ağdama səfəri başlayıb

QMİ sədri patriarxı Qarabağdakı məscidləri və kilsələri birlikdə ziyarətə dəvət edib

QMİ sədri Azərbaycan xalqını Novruz bayramı münasibətilə təbrik edib

QMİ sədri: Bu gün Türkiyənin 90 min məscidində şəhidlərimizin ruhu yad edilir

QMİ sədri: Ölkə dindarları dövlət rəhbərimizin qətiyyətli addımlarını dəstəkləyirlər 

QMİ sədri Allahşükür Paşazadə beynəlxalq təşkilatlara müraciət edib

QMİ sədri Gürcüstan səfiri ilə II İliyanın Keşikçidağla bağlı məktubunu müzakirə edib

QMİ sədri: Azərbaycanda Aşura günü ənənəsi hələ də yaşadılır

QMİ sədri Allahşükür Paşazadə Səudiyyə kralı ilə görüşüb (FOTO)

QMİ sədri Ramazan bayramı münasibətilə Azərbaycan xalqını təbrik edib

QMİ sədri İslam dünyasına töhfələrinə görə Qahirədə mükafata layiq görülüb

QMİ sədri Allahşükür Paşazadə BƏƏ-yə gedib

QMİ sədri Moskvanın və bütün Rusiyanın Patriarxı ilə görüşüb

28 Sentyabr 2021, 18:10 (GMT +4)
Azərbaycan Premyer Liqasında yenilik: Hakimlər oyundan sonra müsahibə verəcək

28 Sentyabr 2021, 18:02 (GMT +4)
Azərbaycanla İraq arasında əməkdaşlığa dair iki sənəd imzalanıb

28 Sentyabr 2021, 17:58 (GMT +4)
NATO gəmiləri Gürcüstanın ərazi sularına daxil olub

28 Sentyabr 2021, 17:52 (GMT +4)
Azərbaycanda sabiq vəzifəli şəxsə elektron qolbaq taxılıb

28 Sentyabr 2021, 17:45 (GMT +4)
Gürcüstanda son sutkada 40 nəfər COVID-19-dan ölüb

28 Sentyabr 2021, 17:42 (GMT +4)
“Azəriqaz”ın Baş direktoru istehlakçılara müraciət edib

28 Sentyabr 2021, 17:33 (GMT +4)
"Liverpul"un keçmiş futbolçusu vəfat edib

28 Sentyabr 2021, 17:31 (GMT +4)
Kərbəlaya Ərbəin ziyarətinə gedən zəvvarların sayı açıqlanıb

28 Sentyabr 2021, 17:25 (GMT +4)
Gürcüstan Baş naziri: Saakaşvili torpağımıza ayaq basan kimi həbs olunacaq

28 Sentyabr 2021, 17:23 (GMT +4)
Zakir Həsənov Qarabağdakı Rusiya sülhməramlılarının yeni komandanı ilə görüşüb

28 Sentyabr 2021, 17:15 (GMT +4)
MN: Azərbaycan Ordusunun Ermənistan silahlı qüvvələrinin mövqelərini atəşə tutması xəbəri yalandır

28 Sentyabr 2021, 17:02 (GMT +4)
"Azərişıq" ASC Şamaxıya media-tur təşkil edib (FOTO)

28 Sentyabr 2021, 16:56 (GMT +4)
20-dən çox binada liftlərin ehtiyat hissələrini oğurlayan 4 nəfər saxlanılıb

28 Sentyabr 2021, 16:48 (GMT +4)
Çempionlar Turu: Şəhriyar Məmmədyarov və Teymur Rəcəbov yenə uduzub

28 Sentyabr 2021, 16:44 (GMT +4)
Suriyanın şimalında Türkiyə hərbi qüvvələrinin olduğu şəhərdə silsilə partlayışlar törədilib, ölənlər var

28 Sentyabr 2021, 16:43 (GMT +4)
Gürcüstanın baş naziri Azərbaycana səfər edəcək

28 Sentyabr 2021, 16:38 (GMT +4)
Azərbaycanda son sutkada 2 114 nəfər COVID-19-dan sağalıb, 885 nəfər yoluxub

28 Sentyabr 2021, 16:30 (GMT +4)
Goranboyda xurma ağaclarında zərərvericilər aşkarlanıb

28 Sentyabr 2021, 16:21 (GMT +4)
UEFA üç kluba qarşı sanksiyaları ləğv edib

28 Sentyabr 2021, 16:18 (GMT +4)
Lavrov: Qarabağla bağlı üçtərəfli razılaşmanın əsas nəticəsi sabitlikdir

28 Sentyabr 2021, 16:15 (GMT +4)
MM sədri TÜRKPA-nın plenar iclasında Zəngəzur dəhlizinin strateji əhəmiyyətindən danışıb

28 Sentyabr 2021, 16:04 (GMT +4)
Prezident İlham Əliyev “France 24” televiziyasına müsahibə verib

28 Sentyabr 2021, 15:58 (GMT +4)
Azərbaycanlı hakimlər Avropa çempionatının seçmə oyunlarına təyinat alıblar

28 Sentyabr 2021, 15:53 (GMT +4)
Vilyam Hacıyevdə pnevmaniya aşkar edilib, məhkəmə təxirə salınıb

28 Sentyabr 2021, 15:42 (GMT +4)
İordaniya Suriyaya hava reyslərini bərpa edir

28 Sentyabr 2021, 15:36 (GMT +4)
Rusiyada son sutkada koronavirusdan ölənlərin sayı maksimal həddə çatıb

28 Sentyabr 2021, 15:27 (GMT +4)
Milli Paralimpiya Komitəsinin prezidenti seçilib

28 Sentyabr 2021, 15:25 (GMT +4)
Yol polisi yaranan tıxac və sıxlıqlarla bağlı sürücülərə müraciət edib

28 Sentyabr 2021, 15:13 (GMT +4)
ANAMA sədri Agentliyin müharibə iştirakçısı olan əməkdaşları ilə görüşüb 

28 Sentyabr 2021, 15:03 (GMT +4)
Ərdoğan: Türkiyə Paris İqlim Sazişini təsdiqləməyə hazırdır

1

Saytda dərc olunmuş istənilən materiala bütün hüquqlar müəllif hüquqları barədə beynəlxalq qanunvericiliyə uyğun şəkildə qorunur. Saytda yerləşdirilmiş istənilən audio, foto və videomaterialların istifadəsinə yalnız hüquq yiyəsinin icazəsi və SalamNews saytına istinadla yol verilir.
E-mail: info@salamnews.org
Tel./Fax: (+99412) 555 1 313
(+7499) 120 63 66