Somalidə kamikadzenin hücumu nəticəsində azı 10 nəfər həlak olub

Bakı, 19 fevral, SalamNews, B.Samid. Somalinin mərkəzində Beledveyn şəhərində kamikadzenin özünü partlatması nəticəsində azı 10 nəfər həlak olub.

SalamNews xəbər verir ki, bu barədə Somali polisi Çinin “Xinhua” agentliyinə məlumat verib.

Məlumata görə, bir kamikadze özünü şəhərdəki kafedə partladıb.

Somali polisi əlavə təfərrüat açıqlamadan qəza yerində vəziyyəti yoxlamaq üçün olduqlarını bildirib.

Sonuncu dəfə üç gün öncə Somali paytaxtı Moqadişoda nəzarət postlarına hücum edilib. Partlayışlar nəticəsində 3 nəfər ölmüş və 16 nəfər yaralanmışdı. Somali polisi adəti üzrə "əş-Şəbab" qruplaşmasını ittihamlandırıb.