|
Fələstin lideri ilə İsrailin müdafiə nazirinin görüşü olacaq26 May 2022, 15:55 (GMT +4) Bakı, 26 may, SalamNews, B.Samid. Fələstin Muxtariyyətinin lideri Mahmud Abbas İsrailin müdafiə naziri Beni Qantsla görüşəcək.
SalamNews bu barədə İsrailin “Israel Hayom” qəzetinə istinadən məlumat verir.
Bildirilib ki, Fələstin Muxtariyyətinin lideri Mahmud Abbasla İsrailin müdafiə naziri Beni Qantsın gələn günlərdə görüşü planlaşdırılıb.
Eyni zamanda İsrailin xarici işlər naziri Yair Lapid də Fələstin Muxtariyyətinin XİN rəhbəri Riyad əl-Maliki ilə görüşərək, bölgədəki vəziyyəti müzakirə edəcəklər.
Bu görüşlərdən əlavə tərəflərin İqtisadiyyat nazirlərinin görüşü də nəzərdə tutulub.
Görüşlərdən məqsəd gərginliyin azaldılması istiqamətində danışıqlar aparmaqdır.
|
RU
AZ
