Səudiyyənin Yəmənlə sərhəddə yerləşən strateji hava limanı partlayışlara görə fəaliyyətini dayandırıb

Bakı, 30 iyun, SalamNews, B.Samid. Bu gün sübh Səudiyyə Ərəbistanın Xams-Mşit bölgəsində strateji hava limanın səmasında partlayışlar eşidilib.

SalamNews əl-Aləmə istinadən xəbər verir ki, hələ səbəbi və mahiyyəti açıqlanmayan partlayışların ucbatından Əbha hava limanı fəaliyyətini dayandırıb.

Bundan öncə yerli KİV-lər Xams-Mşit səmasında şiddətli partlayış səslərinin eşidildiyini bildirmişdilər.

Qeyd edək ki, bu hava limanı Yəmənlə sərhəddə yerləşir və husilər bu hava limanına tez tez ballistik raket və PUA-lardan hücumlar həyata keçirirdilər. Lakin husilər hələ bu partlayışlar barədə mövqe bildirməyiblər. Əlavə edək ki, hazırda Yəməndə atəşkəs rejimi hökm sürür.