“Atletik” yeni baş məşqçisini açıqlayıb

Bakı, 30 iyun, SalamNews, R.Nadirli. Ernesto Valverde “Atletik”in baş məşqçisi təyin edilib.

SalamNews xəbər verir ki, bu barədə Bilbao klubunun rəsmi saytı məlumat yayıb. Mütəxəssis bundan əvvəl 2013-2017-ci illərdə 4 mövsüm basklara rəhbərlik edib. Onun rəhbərliyi altında “Atletik” 213 oyun keçirib və bunun 102-də qalib gəlib. 2015-ci ildə basklar Valverdenin rəhbərliyi altında İspaniya superkubokunu qazanıb.

2017-ci ilin yayından 2020-ci ilin yanvarına qədər Valverde “Barselona”ya rəhbərlik edib.