Sudanda hərbi hakimiyyətə qarşı etiraz aksiyasında doqquz nəfər ölüb

Bakı, 1 iyul, SalamNews, B.Samid. Sudanda hərbçilərin hakimiyyətinə qarşı ötən gün baş tutan etiraz aksiyasında ölənlərin sayı doqquza çatıb.

SalamNews əl-Aləmə istinadən xəbər verir ki, bu barədə “Sudanın Həkimlər Kolleqiyası” məlumat yayıb.

Bildirilib ki, ötən gün ölkənin müxtəlif bölgələrində hərbçilərin hakimiyyətinə qarşı baş tutan etiraz aksiyalarında ölənlərin sayı 9-a çatıb.

Ötən gün aksiyalar zamanı etirazçılar hökumət qurumlarının obyektlərinə yaxınlaşmaq istəyərkən onlara atəş açılıb.

Qeyd edək ki, hərbçilər ötən ilin noyabr ayında Abdullah Hamdukun başçılıq etdiyi hökuməti devirib, baş naziri isə həbs ediblər. Daha sonra baş nazir və bir sıra siyasətçilər azad ediləsə də hərbi hakimiyyət müvəqqəti keçid hökuməti təşkil edib.