Rusiyalı ekspert: Azərbaycanla toqquşmaların yenidən başlamasının səbəbi Ermənistanın üçtərəfli sazişə əməl etməməsidir

Bakı, 13 sentyabr, SalamNews. Ermənistan və Azərbaycan arasında hərbi əməliyyatlar İrəvanın 10 noyabr 2020-ci il tarixli üçtərəfli sazişə əməl etməməsi səbəbindən yenidən başlayıb. 

SalamNews-un məlumatına görə, bu barədə Rusiyanın tanınmış ictimai xadimi, politoloq, Siyasi Araşdırmalar İnstitutunun baş direktoru Sergey Markov özünün "Telegram" kanalında yazıb.

Markov Ermənistanın öz qoşunlarını Qarabağdan tam çıxarmadığını diqqətə çatdırıb.  

Politoloq qeyd edib ki, nəqliyyat dəhlizləri indiyə qədər açılmayıb.

"Onlardan ən mühümü Türkiyə-Naxçıvan-Zəngəzur-Azərbaycanın əsas ərazisi-Rusiya marşrutu ilə Ermənistan ərazisindən keçməli olan Zəngəzur dəhlizidir. Ermənistan sərhədin demarkasiyası və delimitasiyasını gecikdirir. Ermənilərin yaşadığı Qarabağ ərazisinin bir hissəsi Azərbaycana heç bir reinteqrasiya həyata keçirmir. Orada heç bir kompromis əldə olunmayıb. Bu məsələlər həll olunmayana qədər vaxtaşırı hərbi əməliyyatlar davam edəcək.", deyə Markov vurğulayıb.