İran prezidenti: NATO dünyanın müxtəlif bölgələrində təhlükə amilidir

Bakı, 23 sentyabr, SalamNews, B.Samid. İran prezidenti NATO-nun genişlənmə siyasətini dünyanın müxtəlif yerlərində təhlükəsizliyin təmin edilməməsinin səbəblərindən biri hesab edib.

SalamNews İRNA-a istinadən xəbər verir ki, İran prezidenti İbrahim Rəisi bunu çərşənbə günü axşam Nyu-York səfərində bir qrup amerikalı media nümayəndələri və yerli ekspertlərlə görüşündə deyib.

O, Ukraynadakı vəziyyətlə bağlı deyib: İranın özü ABŞ və Avropa ölkələrinin dəstəyi və təhriki ilə bu ölkəyə qarşı aparılmış səkkiz illik müharibənin (İran-İraq müharibəsi) acı təcrübəsini yaşayıb və buna görə də bütün imkanlarından istifadə edərək gələcəkdə (Ukrayna müharibəsi ilə bağlı) vasitəçilik etmək və bu kimi münaqişələri mümkün qədər tez bitirmək üçün addımlayacaq.

İran prezidenti NATO-nun genişlənmə siyasətini dünyanın müxtəlif bölgələrindəki təhlükənin səbəblərindən biri adlandırıb və əlavə edib:

“Xarici siyasət biliciləri kimi siyasətçilərə və dövlət xadimlərinə məsləhət verin ki, elə etsinlər ki, dünyanın müxtəlif yerlərində yaşayan xalqlar buların səhv addımlarından bundan artıq əziyyət çəkməsinlər.”