Livanla İsrail arasında dəniz sərhədinin demarkasiyası üzrə saziş imzalanır

Bakı, 24 oktyabr, SalamNews, S.Bağırov. Bir neçə aydır ABŞ-ın vasitəçiliyi ilə İsraillə Livan arasında keçirilən danışıqlar nəticə verdikdən sonra imzalanacaq sazişin zamanı açıqlanıb.

SalamNews Livanın Əl-Cədid telekanalına istinadən xəbər verir ki, İsraillə dəniz sərhədinin demarkasiyası sazişinin imzalanma mərasimi gələn cümə axşamı Naqura bölgəsində keçiriləcək.

Məlumata görə, “Amerika nümayəndəsi gələn cümə axşamı Livana gələcək və o, prezident Mişel Ounla görüşəcək”.

Qeyd edək ki, Livanla İsrailin dəniz sərhədində münaqişəli Kariş qaz yatağında İsrail tərəfindən işlərin birtərəfli qaydada aparılmasından sonra Hizbullah hərəkatı bölgə üzərində PUA-larını uçurub. Daha sonra İsrail ABŞ-ın vasitəçiliyi ilə Livanla danışıqlara gedib.