Qüds partlayışlarında ölən və yaralananların sayı artıb

Bakı, 23 noyabr, SalamNews, S.Bağırov. Bu gün işğal altında olan Qüdsün qərbində avtobus dayanacağı yaxınlığında baş verən ardıcıl partlayışlarda yaralananlardan biri ölüb.

SalamNews İsrail mətbuatına istinadən xəbər verir ki, bu gün sübh Qüdsün qərbində avtobus dayanacağında baş verən iki partlayışda yaralananlardan daha biri ölüb.

Ümumilikdə 18 yaralı var.

Bu partlayışın mahiyyəti araşdırılır.

Hələ heç bir qrup bu partlayışı üzərinə götürməyib.

Məlumata görə İsrailin müdafiə naziri Beni Qants digər təhlükəsizlik qurumların rəhbərləri ilə məsləhətləşmələr aparır.