Associated Press: Suriya prezidenti Dəməşqdə Türkiyə hökumət rəsmilərini qəbul etmək təklifini rədd edib

Bakı, 25 noyabr, SalamNews, S.Bağırov. “Bəşər Əsəd bu yaxınlarda türkiyəli həmkarı Rəcəb Tayyib Ərdoğanın Dəməşqdə iki ölkə rəsmiləri arasında görüş keçirmək təklifini rədd edib.”

SalamNews xəbər verir ki, ABŞ-ın “Associated Press” agentliyi bu barədə Suriya hakimiyyəti ilə daim görüşən livanlı siyasətçiyə istinadən yazıb.

Həmçinin Türkiyənin “Gazete Duvar” qəzeti bildirib ki, Ərdoğan İran tərəfinin göndərdiyi mesajda Əsədi Suriya ordusunun kürdlərin nəzarətində olan ərazilərə qaytarılması üçün birgə işləməyə, kürdlərə qaz və neft çıxarmağa mane olmağa, qaçqınların qaytarılmasına şəraitin yaradılmasına və kürd döyüşçülərin ümumiyyətlə Suriyadan istifadəsinin qarşısını alan tədbirlər görməyə çağırıb.

Burada, türk və suriyalı diplomatların sözügedən məsələlərlə bağlı Dəməşqdə görüşməsi təklif edilsə də Bəşər Əsəd bunu qəbul etməyib.

Məlumata görə, Bəşər Əsəd bu görüşlərin üçüncü bir ölkədə olmasını təklif edib.

Qeyd edək ki, Türkiyə prezidenti Rəcəb Tayyib Ərdoğan son günlərdə açıqlamasında bildirib ki, "siyasətdə əbədi düşmənçilik olmur və Bəşər Əsədlə görüş mümkündür."