İsrail qüvvələrinin əl-Xəlilə hücumunda üç fələstinli həlak olub, yaralananlar var

Bakı, 29 noyabr, SalamNews, S.Bağırov. İsrail qüvvələri ötən gecə əl-Xəlilin şimalında yerləşən Beyt-Əmr qəsəbəsinə hücum edib. Burada azı üç fələstinli güllə yarasından həlak olub.

SalamNews Fələstin mətbuatına istinadən xəbər verir ki, İsrail qüvvələri işğal altında olan İordan çayının qərb sahilində əl-Xəlil rayonunun Beyt-Əmr qəsəbəsinə basqın zamanı fələstinlilərin müqaviməti ilə üzləşib.

İsrail qüvvələrinin odlu silahlardan istifadəsi zamanı azı üç fələstinli həlak olub.

Burada yaralananların sayı 10-dan çoxdur.

Qeyd edək ki, əl-Xəlilin də yerləşdiyi İordan çayının qərb sahili 1967-ci ildən İsrailin işğalındadır.