|
Səudiyyə-Çin zirvə sammiti bəyanat verib: Qlobal neft bazarlarının sabitliyini vacib bilirik09 Dekabr 2022, 12:34 (GMT +4) Bakı, 9 dekabr, SalamNews, S.Bağırov. Səudiyyə Ərəbistanı və Çin bu gün, cümə qlobal neft bazarlarının sabitləşməsinin vacibliyi və krallığın bu zəmində rolunun əhəmiyyəti barədə bəyanat veriblər.
SalamNews bu barədə Səudiyyə Ərəbistanın dövlət xəbətr agentliyi, VAS-a istinadən xəbər verir.
Səudiyyə-Çin sammitinin sonunda verilən birgə bəyanatda deyilir: Çin Xalq Respublikası Krallığın qlobal neft bazarlarının tarazlığını və sabitliyini qoruyub, dəstəkləməkdə və Çinin etibarlı xam neft mənbəyini təmin etməkdə rolunu alqışlayır.
Digər tərəfdən Səudiyyə Ərəbistanının energetika naziri şahzadə Əbdüləziz bin Salman Çin və Səudiyyə Ərəbistanı arasındakı əməkdaşlığın dünya neft bazarının sabitliyinin qorunmasına töhfə verdiyini deyib.
Nazir əlavə edib ki, "Səudiyyə Ərəbistanı və Çin Krallıqda bu ölkə fabrikləri üçün regional mərkəz yaratmaqda və enerji təchizatları sahəsində əməkdaşlığı genişləndirməyə çalışırlar".
O bildirib ki, Çin dünyanın ən böyük enerji istehlakçısı və Körfəz ölkələrinin əsas ticarət tərəfdaşıdır və region iqtisadiyyatını şaxələndirməyə çalışdığı üçün ikitərəfli əlaqələr də genişlənməkdədir.
Qeyd edək ki, dünən Kral Salman bin Əbdüləziz və Çin Sədri Si Tsinpin Ər-Riyadda "iki ölkə arasında hərtərəfli strateji tərəfdaşlıq sazişi"ni imzaladılar.
|
RU
AZ
