Rusiya rəsmiləri Ərdoğanla Bəşər Əsədin görüşünü təşkil etmək üçün Dəməşqlə danışıqlar aparırlar

Bakı, 16 dekabr, SalamNews, S.Bağırov. “Ərdoğanın Bəşər Əsədlə görüş təklifindən sonra Moskva Dəməşqlə danışıqlar aparır.”

SalamNews Sputnik-ə istinadən xəbər verir ki, bunu Rusiya xarici işlər nazirinin müavini Mixail Boqdanov deyib.

O, bu gün, cümə bildirib ki, Moskva Türkiyə prezidenti Rəcəb Tayyib Ərdoğanın Suriya, Türkiyə və Rusiya Federasiyası liderlərinin görüşünün keçirilməsi ideyasına çox müsbət baxır.

“Bu, çox müsbətdir. Biz indi suriyalı dostlarımızla əlaqə saxlayırıq", - deyə Boqdanov əlavə edib.

Boqdanovun açıqlaması Türkiyə prezidenti Rəcəb Tayyib Ərdoğanın dünən, cümə axşamı Rusiya prezidenti Vladimir Putinə Suriya prezidenti Bəşər Əsədlə üçtərəfli görüş keçirmək təklifini irəli sürməsi fonunda deyilir.