Sel suları Kərbəla və Nəcəf də daxil olmaqla İraqın bir sıra əyalətlərinə ziyan vurub

Bakı, 24 dekabr, SalamNews, S.Bağırov. İraqın əl-Ənbar, Misan, Kərbəla, Nəcəf və sair əyalətləri intensiv yağan yağışlardan sonra daşqınların şahidi olub.

SalamNews bu barədə İraqın Sumariya agentliyinə istinadən xəbər verir.

Bildirilib ki, ötən gün yağan intensiv yağışlar Misan, əl-Ənbar, Kərbəla və Nəcəf əyalətlərində bəzi yolların bağlanması ilə nəticələnib.

Misanda əkin sahələrinə ciddi ziyanlar dəyib.

Əl-Ənbar əyalətinin əl-Ramadi şəhərinin əksər küçələri su altında qalıb.

Qeyd edək ki, ötən gün Səudiyyə Ərəbistanın Məkkə əyaləti, xüsusilə də Məkkə şəhərinin özü güçlü daşqınlar nəticəsində ciddi ziyanların şahidi olmuşdu.