Somalinin mərkəzində iki minalanmış maşın partladılıb, azı 15 ölü var

Bakı, 4 yanvar, SalamNews, S.Bağırov. Somalının mərkəzində Hiraan əyalətinin Mahaas qəsəbəsində kamikadzelərin idarə etdiyi minalanmış maşınlar partladılıb.

SalamNews Sputnik-ə istinadən xəbər verir ki, bu barədə yerli mətbuat məlumat yayıb.

Bildirilib ki, əl-Şəbab qruplaşmasının iki kamikadze üzvü Mahaas qəsəbəsində rəsmilərin və hərbçilərin olduğu obyekti iki minalanmış maşınla hədəfə alıblar.

Məlumata görə azı 15 ölü var.

Az keçməmiş əl-Şəbab bəyanat yayaraq hücumu üzərinə götürüb, hökumət qüvvələrindən 50 nəfərin öldüyünü iddia edib.