ABŞ sazişlə bağlı Qətər vasitəsilə İrana müsbət mesajlar göndərib – Mənbə

Bakı, 31 yanvar, SalamNews, S.Bağırov. ABŞ Qətər vasitəsilə İrana mesaj göndərib və "İranla birbaşa danışıqlar aparmaq istədiyini" qeyd edib.

SalamNews İSNA-a istinadən xəbər verir ki, bunu İran Parlamentində Nüvə Məsələləri Komissiyasının sədri Sara Fəllahi deyib.

“Amerikalılar Qətər və Oman Sultanlığı vasitəsilə danışıqların bərpası ilə bağlı İrana bir sıra mesajlar göndəriblər və vurğulayıblar ki, Amerika İranın nüvə sazişindən çıxması nəticəsində vurduğu bütün zərərləri kompensasiya edir", deyə İran parlamentinin üzvü bildirib.

Sara Fəllahi əlavə edib: “İranın onlara cavabı budur ki, ilk növbədə onun bütün şərtlərini yerinə yetirməlidirlər. İrandan güzəşt istəyirsə, İranın istədiyi güzəştləri etməlidir, çünki Tehranın bunu etməsi düzgün deyil. Amerika Tramp dövründəki hadisələrin təkrarlanmaması üçün etimad yaratmalıdır.”