Ərdoğan zəlzələ nəticəsində ölənlərin sayını açıqladı - 1000 nəfərə yaxınlaşıb

Bakı, 6 fevral, SalamNews. Hazırda zəlzələdə ölənlərin sayını proqnozlaşdırmaq mümkün deyil. Sputnik.az xəbər verir ki, bunu Türkiyə Prezidenti Rəcəb Tayyib Ərdoğan bildirib.

Biz bu fəlakəti ən az insan itkisi ilə aradan qaldıracağımıza ümid edirik. İndi ölənlərin sayını proqnozlaşdırmaq çox çətindir. Zəlzələ nəticəsində 912 nəfər həlak olub", - Ərdoğan keçirdiyi brifinqdə bildirib.

Ərdoğan əlavə edib ki, 2470 nəfər dağıntıların altından xilas edilib. Zəlzələ nəticəsində ümumilikdə 2818 bina dağılıb. Qeyd edək ki, Türkiyənin Kahramanmaraş bölgəsində 7,4 bal gücündə zəlzələ baş verib. Kahramanmaraşda baş verən zəlzələ Türkiyənin 4 vilayətində hiss edilib.