Rəşad Nəbiyevin vətəndaş qəbulunun vaxtı yenidən dəyişib

İstanbul, 4 aprel, SalamNews. Rəqəmsal inkişaf və nəqliyyat naziri Rəşad Nəbiyevin sabah Naftalanda Goranboy, Xocalı, Göygöl, Samux, Yevlax rayonlarının, həmçinin Gəncə, Mingəçevir və Naftalan şəhərlərinin sakinləri ilə keçirilməsi nəzərdə tutulan vətəndaş qəbulunun vaxtı yenidən dəyişib.

SalamNews nazirliyə istinadən xəbər verir ki, qəbul aprelin 10-da, saat 10:00-da Naftalan şəhərindəki Heydər Əliyev Mərkəzində keçiriləcək.

Qəbula yazılmaq üçün aprelin 8-nə qədər nazirliyin Çağrı Mərkəzi (1655) və elektron poçtu ([email protected]), 010 250 48 48 və 012 598 58 58 (daxili 222 və 290) nömrəli telefonlar vasitəsilə müraciət etmək mümkündür.