Nağıllar aləminə səyahət... Qaranohur gölünün bahar görüntüləri

Azərbaycanda bütün fəsillərdə öz gözəlliyi ilə seçilən təbiət incilərindən biri də İsmayıllı rayonundakı Qaranohur gölüdür. Dağların arasında, sıx meşələrin ortasında yerləşən Qaranohur gölü “Şahdağ” Milli Parkının ərazisində yerləşir. İsmayıllı şəhərindən 8 km şimal-şərqdə yerləşən göl dəniz səviyyəsindən 1520 m yüksəklikdə yerləşir. Göl Böyük Qafqaz dağlarından axan Qaranohur çayının hövzəsinə daxildir. Qarahohur Azərbaycan dilində işlənən qara — «rəng» və nohur — «göl», «su tutarı», «bataqlıq» sözlərinin birləşməsindən meydana gəlib. Gölün yüksək minerallaşmasına görə onun suyundan kənd təsərrüfatında istifadə etmək mümkün olmadığından ətraf ərazidə yaşayan insanlar ona "Qara" adını vermişdilər.